Thunderbird 3
Thunderbird 3 har no faner, betre søk og e-postarkivering.
Kva er nytt i Thunderbird 3?
Faner og søk
Om du er glad i faner i Firefox når du vitjar verdsveven, så kjem du til å bli særs glad i faner når du les e-posten din. Thunderbird 3 lar deg opne e-postar i faner slik at du snøgt kan byte mellom dei.
Søkjeresultat vert òg opna i ei ny fane. Nye verktøy som tidslinje og filtrering lèt deg raskt finne fram til e-posten du leitar etter, anten han er frå i går, førre månad eller fleire år tilbake i tid.
Din e-post, di oppleving
Thunderbird kan tilpassast slik du vil, anten du ønskjer å vere produktiv eller vil ha ei meir underhaldande oppleving. Du kan velje mellom fleire hundre utvidingar, som til dømes kalenderen Lightning for å halde styr på planane dine eller Persona (enkle drakter for verktøylinjene) for å endre utsjånaden til Thunderbird.
Du kan no finne og installere nye utvidingar direkte frå utvidingshandsamaren.
Enklare å kome i gang
Før måtte du kjenne til IMAP, POP, SMTP og SSL/TSL-innstillingane dine for å opprette ein ny e-postkonto. No treng du berre namnet ditt, e-postadressa di og passordet ditt, så vil kontovegvisaren finne innstillingane dine for deg.
I dugnadsånda sitt namn, om ikkje vi har innstillingane for e-posttilbydaren din, så kan du bidra med dine innstillingar. Slik kan du hjelpe andre brukarar med same e-posttilbydar som deg.